Եթե հայ ֆուտբոլասերը ժամանակ առ ժամանակ բախվում է տոմսը ձեռքին ստադիոն մտնել չկարողանալու խնդրի հետ, Բրազիլիայում ֆանատները միմյանց հետ բախվել են տոմս գնելու համար:
Բրազիլիայի հյուսիս-արեւելյան շրջանում գտնվող Բայա նահանգում աշխարհի 2014 թվականի առաջնության եզրափակիչ մրցաշարի համար կառուցված «Արենա Ֆոնտե-Նովա» նոր ստադիոնի բացման առիթով տոմսակրկղերի առջեւ գիշերվանից հերթ կանգնած ֆուտբոլասերների միջեւ խոշոր ծեծկռտուք է սկսվել վաղ առավոտյան՝ տոմսարկղերի բացման ժամանակ: Ոստիկանությունը ստիպված է եղել այն կանխելու համար արցունքաբեր գազ օգտագործել:
Ականատեսների վկայությամբ տոմսերի վաճառքը կազմակերպված բնույթ չի կրել, քանի որ տոմսարկղերի մատույցներում բացակայել են արգելապատնեշները: Ստադիոնի ղեկավարությունը խոստացել է այսուհետեւ զբաղվել այդ խնդրի կարգավորմամբ:
Աշոտ ՀԱԿՈԲՅԱՆ
