Ընկերությունը ֆինանսական պարտքեր ունի
«Իջեւանի ՃՇՇ» ՓԲԸ-ն ընդդեմ «Իջեւան ստուդիա» ՍՊԸ-ի եւ Նաիրա Խաչիկյանի քաղաքացիական հայցով Տավուշի մարզի առաջին ատյանի դատարանում ցուցմունք է տվել լրագրող Նաիրա Խաչիկյանը:
Ըստ «Դատալեքս» ինտերնետային կայքում տեղադրված տեղեկատվության` Ն.Խաչիկյանը դատարանում հայտնել է, որ «Իջեւան ստուդիա» ՍՊԸ հիմնադրումը տեղի է ունեցել 2004թ.,Ն. Խաչիկյանն այդ ընկերության տնօրեն է նշանակվել 2011թ. մայիսի 13-ին եւ ցայսօր զբաղեցնում է այդ պաշտոնը: Ն. Խաչիկյանը դատարանին հայտնել է, որ հեռուստաընկերությունն աշխատում է ինքնաֆինանսավորման սկզբունքով, ընկերության եկամուտները գոյանում են միայն գովազդներից: «Իջեւան ստուդիա» ՍՊԸ տնօրենի վկայությամբ`ընկերության պարտքը կազմում է 700 հազար դրամ, իսկ հարկային տեսչությանը` 570 հազար դրամ, ընկերությունը գտնվում է սնանկության եզրին, աշխատաակիցները կարողանում են միայն ճանապարհածախսերը հոգալ եւ «իրենց եթերներն ապահովել»:
Ոսկան ՍԱՐԳՍՅԱՆ
