Այսօր «Հայելի» ակումբում ԲՀԿ նախկին պատգամավոր Վարդան Բոստանջյանը անդրադառնալով Եվրամիության Հայաստանին տրամադրված 1 մլն եվրո գումարին, որն ուղղված է արտագաղթի ծրագրին, ասաց. «Այս գումարը կլիներ թե չէ, բոլոր դեպքերում ՀՀ-ն ունի միգրացիոն ծառայություն, որտեղ խնդիրները հստակ գրանցված են: Ոչ մասնագետներն իրենց ուշադրությունը սեւեռում են միայն արտագաղթի վրա, բայց կա ավելի կարեւոր խնդիր, ամուսնություն, ծնելիություն, որոնք արտագաղթի հետեւանքներ են ու ազդում են երկրի անվտանգության վրա»:
Բոստանջյանը գտնում, է, որ 1 միլիոն եվրոն ողորմելի թիվ է ու սա խնդիր չի կարող լուծել, եւ ընդհանրապես խնդրի լուծումը իշխանույթան ձեռքում է. «Պետք է զգաստանալ, համապատասխան լուծումներ գտնել, իսկ դրա համար անհրաժեշտ է ստեղծել աշխատատեղեր, եկամուտներ ու այնպիսի եկամուտներ, որով կարողանանան արժանավայելությանը մոտիկ ապրելակերպ ապահովել»:
Եվա ՀԱԿՈԲՅԱՆ
Կարդացեք նաև
