ԲՀԿ-ական նախկին պատգամավոր, տնտեսագետ Բարդան Բոստանջյանի համոզմամբ, Հայաստանում դոլլարի փոխարժեքի բարձրացումը պայմանավորված է նաեւ առաջիկա ավագանու ընտրություններով:
«Ես համոզված եմ, որպես մասնագետ, որ հնարավոր չէ միայն արտաքին գործոնի ազդեցությունն այստեղ լինի: Հիմնականում բարձրացումը պայմանավորված է պահանջարկի մեծացման հետ: Պահանջարկը կարող է մեծանալ հատկապես ու մասնավորապես արդեն մենք նշեցինք, այո մոտենում են ընտրություններ, կապված զանազան գործեր իրականացնելու հետ»,- այսօր «Հենարան» ակումբում ասաց պարոն Բոստանջյանը:
Պարոն Բոստանջյանը նաեւ ասաց, որ 2012-ին միայն բանկային համակարգի միջոցով Հայաստան է որպես մասնավոր տրանսֆերտներ մուտք գործել 1,66 միլիարդ դոլար. «Այս գումարը հենց այն ծավալն է, որն օրինական ճանապարհով է մտել: Ես ուզում եմ ենթադրել, որ այնպես էլ մոտավորապես պետք է կրկնապատկել 3 միլիարդի չափ Հայաստան գումար է մտել: Այդ գումարի 85 տոկոսը Ռուսաստանից է: Ավելին` նախորդ 2011-ի հետ համեմատած Ռուսաստանից բանկային համակարգի միջոցով ուղարկված գումարը կազմում է մոտ 170 միլիոն դոլար, այսինքն ավելացել են: Սա էլ նշանակում է` արտագաղթը որպես այդպիսին կա, դրանից ոչ ոք չի կարող նահանջել»:
Ընտրություններից հետո պարոն Բոստանջյանը դրամի արժեւորում սպասո՞ւմ է, թե՞` ոչ, ասաց «Հակված եմ, որ դրամի արժեւորում տեղի ունենա»:
Կարդացեք նաև
Արփինե ՍԻՄՈՆՅԱՆ
