Այսօր մամուլի ասուլիսում լրագրողների խնդրանքով «Ժառանգություն» խմբակցության պատգամավոր Ալեքսանդր Արզումանյանն անդրադարձավ այն պաշտոնների ցուցակին, որը նախագահ Սարգսյանի հետ բանակցություններում առաջարկել էր «Ժառանգություն» կուսակցությանառաջնորդ Րաֆֆի Հովհաննիսյանը: Հիշեցնենք, որ նա պահանջել էր ընդդիմությանը տրամադրել վերահսկողական պաշտոններ` գլխավոր դատախազի, վերահսկիչ պալատի նախագահի, մի քանի մարզպետների եւ գյուղապետերի: Պարոն Արզումանյանն ասաց, որ իր կարծիքով բանակցություներում նշաձողի սահմանումն այդքան էլ ընդունելի չէ: Բայց. «Ճաշակի հարց է»: Ալեքսանդար Արզումանյանը տարրակուսանք ունի նաեւ այն առումով, թե ինչպե՞ս են ընտրվել այդ պաշտոնները, մանավանդ, որ կան պաշտոններ, որոնք նշանակովի չեն, որոնք ուղղակի նախագահը չի նշանակում, մի քանիսի պաշտոնավարման ժամկետներն էլ շուտով լրանում են:
Այնուհանդերձ, պարոն Արզումանյանը երկուստեք բանակցելու տրամադրածություն է տեսնում եւ դա դրական է բնութագրում:
Նելլի ԳՐԻԳՈՐՅԱՆ
