Տրանսպորտի եւ կապի նախարար, Երեւանի նախկին քաղաքապետ Գագիկ Բեգլարյանը կիսում է ՀՀԿ փոխնախագահ Էդուարդ Շարմազանովի տեսակետը, թե վերջին 20 տարվա լավագույն քաղաքապետը Տարոն Մարգարյանն է եղել:
«Ես էլ եմ այդ կարծիքին»,- Aravot.am-ին ասաց պարոն Բեգլարյանը:
Մեր հարցին, թե այդ հայտարարությունը ավագանու ընտրություններին ընդառաջ ՀՀԿ-ականներն անում են քարոզչակա՞ն նպատակով, թե՞ իսկապես այդպես են կարծում, պարոն Բեգլարյանը չպատասխանեց:
Նրանից նաեւ հետաքրքրվեցինք, թե արդյոք չի թերագնահատում իր եւ նախկին ՀՀԿ-ական քաղաքապետերի աշխատանքը՝ Տ. Մարգարյանին լավագույնը համարելով, պարոն Բեգլարյանն ասաց. «Չեմ թերագնահատում: Ես Շարմազանովի ասածները չեմ ցիտում: Շարմազանովը ցիտում է Ադիբեկյանի ասածները, իսկ ես Շարմազանովի ասածը չեմ ցիտում: Լուրջ հարց ենք քննարկում, ես ասում եմ համաձայն եմ: Ինքնագովերգությամբ մեկ է՝ չեմ զբաղվելու, համաձայն եմ Շարմազանովի ասածներին»:
Կարդացեք նաև
Արփինե ՍԻՄՈՆՅԱՆ
