Ազատության հրապարակում զգուշացնում են, որ Հայաստան է մտել ագահ մարդ, որն ուզում է ինչին ձեռք տա՝ ոսկի դառնա:
Այսօր Ազատության հրապարակում հերթական քաղաքացիական խորհրդի քննարկմանը «Բնատաճար» հասարակական նախաձեռնության ղեկավար, ակտիվիստ Ապրես Զոհրաբյանն ասաց, որ «Հայաստան է մտել ագահ մարդը եւ հեքիաթի նման ասում է՝ ինչին ձեռք տամ՝ թող ոսկի դառնա»:
Հավաքվածները գոռացին՝ Սաշիկն է: Ապրես Զոհրաբյանի խոսքերով՝ կարեւոր չի ով է՝ Սաշիկը, Փաշիկը, Միշիկը:
Կարդացեք նաև
Ըստ Ապրես Զոհրաբյանի, «Հայաստանը կազմում էր Սովետական տարածքի 0.01 տոկոսը, բայց այդ տարածքում աճում էր ամբողջ Սովետի բուսատեսակների 30 տոկոսը: Հիմա էկոգաղութացում է: Հանքերը թալանում են մի այլ կարգի»:
Հարցին՝ ձեր պատկերացմամբ՝ ինչպիսի՞ն պետք է լինի բնապահպանության նախարարը, նա պատասխանեց. «Ես ուզում եմ, որ բնապահպանության նախարարությունը չլինի գերեզմանոց, դա իմ բնութագրումը չէ: Բնապահպանության նախարարի մամուլի խոսնակը երբ դուրս եկավ աշխատանքից, նա ասաց, որ այդ նախարարությունը գերեզմանոց է»: Խոսքը Արծրուն Պեպանյանի մասին է:
Հռիփսիմե ՋԵԲԵՋՅԱՆ
