Սպառողների պաշտպան Արմեն Պողոսյանը կարծում է, որ օրինական դաշտում գործող տաքսին ոչ օրինական գործող տաքսուց պետք է տարբերվի արտաքին տեսքով:
«Հիմա այն, ինչ որ տարբերանիշ պետք է լինի, բարձրացնում է մեր` հաճախորդներիս, խնդիրը: Ես պետք է ման գամ, որոնեմ, այդ թղթիկը գտնեմ: Ստացվում է` ես եմ իրեն սպասարկում, ոչ թե ինքը ինձ»,- այսօր տաքսիստների բողոքի ակցիայի ժամանակ ասաց «Հայաստանի սպառողների ասոցիացիա» հ/կ նախագահ Ա. Պողոսյանը:
Տրանսպորտի եւ կապի նախարար Գագիկ Բեգլարյանն էլ բացատրեց` տաքսու նշաններով է քաղաքացին տարբերելու. «Բնակիչը նայելու է շախմատի նշանը, հետո նոր կնայի թուղթը վրան կա՞, թե՞ ոչ»:
Պարոն Պողոսյանը նաեւ դժգոհեց, որ կառավարության նախաձեռնությամբ, վերացնում են վարորդների բուժզննման պարտադիր պահանջը ու պնդեց, որ տաքսու վարորդի բուժզննումը պարտադիր է, ինչին չհամաձայնեց նախարարը` բացատրելով, որ բուժզննումն անցնելու վերաբերյալ թղթերն այսօր ձեւական բնույթ են կրում, ու անարդար է 5000 դրամով մարդկանց վրա վաճառելը. «Այն ժամանակ, երբ կհասնենք նրան, որ հանրապետությունում մի ձեւի ու մի գույնի մեքենաներ կլինեն, այդ ժամանակ կլինեն մեծ ձեռնարկություններ, որտեղ այդ ամեն ինչը կլինի»:
Կարդացեք նաև
Մանրամասները տեսանյութում
Հիշեցնենք, որ տաքսու վարորդներն այսօր դժգոհում էին դեղին համարանիշները կպչուն ժապավեններով փոխարինելու կառավարության նախաձեռնության դեմ:
Արփինե ՍԻՄՈՆՅԱՆ
