Ինչպես արդեն հաղորդել ենք, այսօր Կենտրոնական ընտրական հանձնաժողովը արտահերթ նիստի ընթացքում քննեց «Առաքելություն» կուսակցության կողմից Երեւանի ավագանու ընտրություններում ընտրական ցուցակ գրանցելու համար ներկայացված փաստաթղթերը լրացնելու համար 48 ժամ տալու մասին դիմումը: ԿԸՀ-ն որոշեց «Առաքելություն» կուսակցությանը տալ 48 ժամ ժամանակ, այդ գործառույթը կատարելու համար:
ԿԸՀ նախագահ Տիգրան Մուկուչյանը նշեց, որ որոշումը ՀՀ ընտրական օրենսգրքի պահանջների կատարմանն է ուղղված եւ նախկինում նման որոշման նախագծեր արդեն իսկ ընդունվել են ԿԸՀ-ում, ու այս պարագայում եւս գործ ունեն նույնաբնակ իրավահարաբերության հետ, ինչպիսիք էին՝ նախորդ համապետական ընտրությունների ժամանակ ընտրական գրավի չվճարման առանձին դեպքերը:
Եվա ՀԱԿՈԲՅԱՆ
