Խաչքարի բացումը կատարվել է մեծ շուքով
2012թ. մայիսի 14-ին Իջեւանի կենտրոնում, «Շատրվաննների հրապարակում» հանդիսավորությամբ բացվեց զոհված ազատամարտիկների հիշատակի խաչքար: Այն կառուցվել է արցախցի Արթուր Ավագյանի միջոցներով: Խաչքարին փորագրված է՝ «Սարոյի հերոսական ջոկատի տղաներին»: Սարոն՝ Սարիբեկ Օհանյանը Իջեւանի կամավորականների ջոկատի առաջին հրամանատարն էր, նա զոհվեց հայրենիքի սահմանը պաշտպանելիս:
Խաչքարի բացումը կատարվեց մեծ շուքով,ելույթ ունեցան Տավուշի մարզպետ Արմեն Ղուլարյանը, Իջեւանի քաղաքապետ Վարդան Ղալումյանը եւ ուրիշներ:
Սրբավայր համարվող խաչքարի կողքին տեղադրվել է խաղային ավտոմատ, որի հիմնական մրցանակը փուչիկին ամրացված ծխախոտի տուփ է: Չնայած խաղային ավտոմատի վրա զգուշացում կա, որ մինչեւ 18 տարեկանները չպետք է խաղան, սակայն խաղացողների զգալի մասն անչափահասներ են:
Կարդացեք նաև
Իջեւանի մարդաշատ վայրերում տեղադրված է մեկ տասնյակ նման խաղային ավտոմատ: Հավանաբար դրանք բավական եկամտաբեր են, որովհետեւ Իջեւանում եւ Տավուշի մարզի այլ բնակավայրերում այդ խաղային ավտոմատների թիվը գնալով աճում է:
Ոսկան ՍԱՐԳՍՅԱՆ
