Այսօր «Ելակետ» ակումբում ՀՀ նախագահի նախկին թեկնածու Անդրիաս Ղուկասյանը անդրադառնալով մեկ միլիոնանոց բողոքի երթին, որը պետք է կայանար ապրիլի 9-ին, բայց հետաձգվել է մինչեւ մայիսի 1-ը, ասաց. «Ես միանում եմ այս նախաձեռնությանը, որ մայիսի 1-ին ստեղծել մարդաշատ երթ ու ցույց տալ, որ հանրությունը չի ենթարկվելու անօրինականություններին: Կարծում եմ անհրաժեշտ է գումարել շահագրգիռ կողմերի ժողով, որը բաց կլինի բոլորի համար, կհամախմբի»:
Ինչ վերաբերվում է այսօրվա քաղաքական իրավիճակին, ապա ըստ Ղուկասյանի` մենք տեսանք, որ ժողովուրդը զրկվեց իր քաղաքական ապագայից եւս մեկ անգամ. «Այսօր այս հարցը գերկարեւոր է, քանի որ երկրի առաջ դրված են հստակ պահանջներ արտաքին աշխարհի կողմից: Ես գտնում եմ, որ Սերժ Սարգսյանը իրավասու չի ներկայացնել մեր ժողովուրդը միջազգային հարաբերություններում, ստորագրել միջազգային պայմանագրեր: Իսկ այսօր մեր անհնազանդությունը պետք է ուղղված լինի հենց դրան, այսինքն, որ իշխանությունը միջազգային հարաբերություններում չանի այնպիսի քայլեր, ինչը հետագայում վտանգավոր կլինեն»:
Եվա ՀԱԿՈԲՅԱՆ
