ՕԵԿ-ը առաջիկայում Հանրային ծառայությունները կարգավորող հանձնաժողովին է դիմելու ` գազի սակագինը վերանայելու պահանջով:
«Միջազգային փորձն ուսումնասիրելով` մոնոպոլ ընկերությունների համար 3-5 տոկոս շահույթ է հաշվարկված: Հայռուսգազարդը Հայաստանում մոնոպոլ ընկերություն է եւ առաջարկում ենք, որ հաշվարկված 10 տոկոս շահույթը վերանայեն, ինչքանով շահույթը կրճատվի, այնքանով կազդի գազի սակագնի վրա» ,- այսօր «Պոստ սկրիպտում» ակումբում ասաց ՕԵԿ փոխնախագահ Հովհաննես Մարգարյանը:
Նրա խոսքերով, Հայաստանում այս ոլորտում մրցակցություն չկա, եւ սպառողն այսպես, թե այնպես գազը սպառելու է. «Գոնե այդ շահույթի հաշվին սպառողի սպասարկման վճարը վերցնեն իրենց վրա: Առաջիկայում մենք հարցապնդումով կդիմենք ու ավելի մանրամասն կուսումնասիրենք այդ շահույթի հարցը, որը իր ազդեցությունը կունենա գնի վրա»:
Պարոն Մարգարյանն ասաց, որ գազի որակի վերաբերյալ քաղաքացիների դժգոհությունների մասին էլ են հարց բարձրացնելու:
Կարդացեք նաև
Թեեւ ՕԵԿ-ի այս նախաձեռնությունը համընկնում է ավագանու ընտրություններին, բայց պարոն Մարգարյանը վստահեցնում է սա նախընտրական քայլ չէ:
Արփինե ՍԻՄՈՆՅԱՆ
