«Իշխանությունները զիջումների գնալու կարիք չունեն»,- կարծում է Կովկասի ինստիտուտի տնօրեն, քաղաքագետ Ալեքսանդր Իսկանդարյանը: «Մեկ անգամ ընտրողների ձայների 40 տոկոսը ստանալը բավարար չէ: Անհրաժեշտ է աշխատել, անհրաժեշտ են ռեսուրսներ` ինչպես մարդկային, այնպես էլ ֆինանսական, անհրաժեշտ է աճող խորհրդարանական խմբակցություն: Հացադուլներով կարելի է աջակցել, բայց ոչ ռազմավարություն կառուցել»,- ասում է Իսկանդարյանը:
Նրա գնահատականով, Րաֆֆի Հովհաննիսյանն ու իր կողմնակիցները չունեն քաղաքական ճնշման համապատասխան ռեսուրս:
Միաժամանակ, երկրում առկա են եւ պահպանվում են բողոքական տրամադրությունները, եւ ինչ էլ պայմանավորվեն կողմերը նամակագրության կամ հանդիպումների արդյունքում, բողոքական զանգվածները չեն բավարարվելու: Որքան իրատեսական են Հովհաննիսյանի պահանջները, Իսկանդարյանը չի կարող ասել. «Ես քաղաքագետ եմ, հոգեբան չեմ»:
Լուսինե ՇԱՀՎԵՐԴՅԱՆ
Կարդացեք նաև
«Հրապարակ»
