ՀՀ օրենքի պահանջն է դոնորին սնունդով ապահովելը
Արյուն տալուց հետո դոնորն իր կենսաբանական եւ էներգետիկ կարողությունները վերականգնելու համար արյունատվությունից 20 րոպե հետո պետք է ստանա 1600-1750 կիլոկալորիա արժեքայնությամբ սնունդ: ՀՀ կառավարություն որոշման այսպիսի նախագիծ է ներկայացրել առողջապահության նախարար Դերենիկ Դումանյանը: Այս մասին տեղեկանում ենք կառավարության նիստի մարտի 28-ի օրակարգից: Ըստ նախարարի, ներկայումս դոնորին սնունդ տրամադրելու հետ կապված հարաբերությունները կարգավորված չեն որեւէ իրավական ակտով: Մինչդեռ «Մարդու արյան եւ դրա բաղադրամասերի դոնորության եւ փոխներարկումային բժշկական օգնության մասին» ՀՀ օրենքի պահանջն է դոնորին սնունդով ապահովելը: Նախարարը կառավարությանը վստահեցրել է, որ այս նախագծի
ընդունմամբ պետբյուջեում ծախսային ավելացումներ չեն լինի, քանի որ այն ներառված է համաձայնեցված բնակչությանը պետության կողմից երաշխավորված անվճար հիվանդանոցային եւ արտահիվանդանոցային ծառայության պետական պատվերի մեջ:
Լուսինե ԲՈՒԴԱՂՅԱՆ
