Լոնդոնում ընթացող հավակնորդների մրցաշարի 9-րդ տուրում Լեւոն Արոնյանը սեւ խաղաքարերով պարտվեց Բորիս Գելֆանդին:
«Chesspro»-ի շախմատային փորձագետների գնահատմամբ, մինչեւ 24-րդ քայլը խաղատախտակի վրա կողմերի դիրքը մոտավորապես հավասար էր: Սակայն 24-րդ քայլում Գելֆանդը հաջողված «սադրիչ» քայլ արեց, որին ի պատասխան՝ Արոնյանը 26-րդ քայլում կոպիտ սխալ թույլ տվեց: Այնուհետեւ, դրան հաջորդեց նաեւ երկրորդ վրիպումը 32-րդ քայլում, որից հետո իսրայելցին աստիճանաբար մեծացրեց առավելությունը եւ Արոնյանը հայտնվեց փաստացի պարտված դրությունում:
Միավորի այս ցավալի կորուստը հայաստանցի գրոսմայստերին ետ մղեց 2-րդ հորիզոնական` միանձնյա առաջատարի դերը թողնելով Մագնուս Կարլսենին:
Այսօր գրոսմայստերները կրկին հանգստանում են: Վաղը` 10-րդ տուրում, Լեւոն Արոնյանը սպիտակներով խաղալու է Վասիլի Իվանչուկի, Մագնուս Կարլսեն` Բորիս Գելֆանդի, Թեյմուր Ռաջաբովը` Պյոտր Սվիդլերի, Ալեքսանդր Գրիշչուկը` Վլադիմիր Կրամնիկի հետ:
Կարդացեք նաև
Աշոտ ՀԱԿՈԲՅԱՆ
