ՀՀԿ-ում ոգեւորվա՞ծ են այն իրողությունից, որ ուրբաթօրյա իր հանրահավաքում «Ժառանգության» առաջնորդ Րաֆֆի Հովհաննիսյանը մեծահոգաբար թույլ տվեց Սերժ Սարգսյանին շարունակել պաշտոնավարել նախագահի պաշտոնում՝ «Առավոտի» այս հարցին ՀՀ ԱԺ փոխնախագահ Հերմինե Նաղդալյանը պատասխանեց. «Ասեմ, որ ոչ թե ոգեւորված են նրանից, որ թույլ է տվել. երեւի թե արժեր ոգեւորվել նրանից, որ այնուամենայնիվ, ի վերջո, նույնիսկ ամենաբարդ ճշմարտությունները հասկացվում եմ: Նույնիսկ՝ ամենաչցանկացողների համար, ովքեր ոչ մի կերպ չեն ցանկանում իրականության հետ հաշվի նստել, փաստերին նայել ուղիղ»: ՀՀԿ-ական փոխխոսնակի համոզմամբ՝ ուրբաթօրյա հանրահավաքը եւ այնտեղ հնչած հայտարարությունները ցուց տվեցին, որ «ՀՀ-ն ունի նախագահ, ընտրված նախագահ, եւ որոշումները կայացնում է նա: Ու սա կարեւոր իրողություն է: Սա կարեւոր է ոչ միայն այս ներքաղաքական թնջուկը հանգուցալուծելու առումով, այլեւ գլոբալ քաղաքական իմաստով»:
Հարցազրույցի մանրամասները՝ հաջորդ համարում:
«Առավոտ» օրաթերթ
