Այսօր «Հայելի» ակումբում «Ազատ դեմոկրատներ» կուսակցության փոխնախագահ Անուշ Սեդրակյանը, անդրադառնալով Րաֆֆի Հովհաննիսյանի ու Սերժ Սարգսյանի նամակագրությանը, ասաց, որ ժամանակագրորեն ուշացել են, նամակագրական կապը մոտավորապես մեկ ու կես դարի պատմություն ունի, ու կարծես թե մի քիչ անլրջանում է քաղաքական գործընթացը:
«Վերջապես հասարակությունը ոչ թե այն հատվածն է, որին առաջնորդում են, այլ` այն քննախույզ զանգվածը, որը յուրաքանչյուր խոսք վերլուծում է, հետեւաբար եւ ընդդիմությունը եւ իշխանությունը պետք է շատ զգույշ լինեն… դե իշխանության վարկաբեկվածությունը էլ տեղ չունի, իսկ ընդդիմությունն էլ չպետք է ձախողվի»,-նշեց Սեդրակյանը, որի խոսքով`ընդդիմությունը պետք է մտնի ղեկավարելու պրոցեսների մեջ, այլապես ինչպես ենք պարզելու՝ ով որտեղ է թերացել:
Սեդրակյանը նաեւ նշում է, որ Հայաստանի տնտեսությունը անմխիթար վիճակում է, քանի որ տնտեսական լծակների մուտք ունեն հաշված մարդիկ. «Հայաստանի տնտեսությանը հարկավոր է շատպօգնություն, ապա նոր կարելի է իրականացնել սահմանադրական բարեփոխումներ»:
Սեդրակյանը անդրադառնալով Րաֆֆի Հովհաննիսյանի՝ Սերժ Սարգսյանին հրապարակ կանչին, ասաց. «Կարծում եմ՝ հնարավոր է նախագահը գա Ազատության հրապարակ, այնուամենայնիվ, դա կլինի սկիզբ առաջխաղացման»:
Կարդացեք նաև
Եվա ՀԱԿՈԲՅԱՆ
