Այսօր «Հայելի» ակումբում ԲՀԿ պատգամավոր Լյովա Խաչատրյանը անդրադառնալով երկրում ստեղծված իրավիճակին, ասաց, որ այսօր դիրքային պայքար է գնում, եւ թե ինչով կավարտվի այն, կերեւա առաջիկա օրերին:
«Ժողովուրդն ուզում է ապրել սահմանադրությամբ եւ «Ժառանգությունն» էլ Րաֆֆի Հովհաննիսյանի հետ միասին նստել է այնտեղ հրապարակում, հաց չի ուտում, ասմունքում է…»:
Խաչատրյանը գտնում է, որ ճիշտ է այսօր ժողովուրդը նշանակել է Րաֆֆի Հովհաննիսյանին այս շարժման առաջնորդ, բայց շատ հավանական է, որ այն պահանջները, որ չբավարարի Րաֆֆի Հավհաննիսյանին` ժողովուրդը շրջվի եւ ընտրի մեկ այլ լիդերի:
Անդրադառնալով ավագանու ընտրություններին Խաչատրյանը նշեց. «Մենք թիրախ վերցնելու խնդիր չունենք, մենք պիտի ստեղծենք օրենսդրական այնպիսի պայմաններ, որտեղ պարզապես փողը ցանկանա գալ: Այսօր փողը չի ցանկանում մտնել Հայաստան, հետեւաբար չկա տնտեսություն ու կա արտագաղթ:
Կարդացեք նաև
Չգիտեմ ուրիշ ուժերի կողմից ինչպես է, բայց ԱԺ-ում բոյկոտ` մեր կողմից չի լինի»:
Խաչատրյանը հավելեց, որ ԲՀԿ-ի կողմից լռությունը պայմանավորված էր այս հետընտրական խաղի կանոններով. «Իսկ երբ տեսանք, որ նախագահական ընտրություններում մեր չմասնակցւթյան դեպքում էլ խաղի կանոնները չփոխվեցին, հետեւաբար չէինք կարող չմասնակցել ավագանու ընտրություններին: Այլ ճանապարհ չունենք չպայքարելու, չենք կարող անտարբեր մնալ ստեղծված իրավիճակին»:
Խաչատրյանը նաեւ նշեց, որ ընտրական օրենսգրքում մի շարք բացեր կան, ինչն էլ ԲՀԿ-ն չի կարող անտեսել:
Եվա ՀԱԿՈԲՅԱՆ
