ՀՀ քրեական եւ զինվորական գործերով վերաքննիչ դատարանը հրապարակեց սպանված զինծառայող Ռոման Եղիազարյանի իրավահաջորդի ներկայացուցիչ Գոհար Մելքոնյանի եւ զինվորական դատախազության վերաքննիչ բողոքով որոշումը: Դատարանը անփոփոխ թողեց Շիրակի մարզի ընդհանուր իրավասության դատարանի դեկտեմբերի 18-ի արդարացման դատավճիռը, համաձայն որի՝ Ռոման Եղիազարյանի եւ Հովսեփ Մկրտումյանի 2003թ. սպանության մեջ մեղադրվող Ռազմիկ Սարգսյանը, Արայիկ Զալյանը, Մուսա Սերոբյանը արդարացվել էին:
Հիշեցնենք, որ Գոհար Մելքոնյանը պահանջել էր նաեւ ոչ միայն բեկանել Շիրակի մարզի դատարանի դատավճիռը, այլ դատապարտել Ռազմիկ Սարգսյանին 7, Արայիկ Զալյանին՝ 8, Մուսա Սերոբյանին՝ 8 տարվա ազատազրկման:
Եթե արդարացվածների ծնողները գոհ էին դատական ակտից, ապա Ռոման Եղիազարյանի մայրը՝ Գոհար Մելքոնյանը խոստացավ՝ «19 կտոր եմ անելու Ռազմիկին, սպանելու եմ այն ձեւի դաժանաբար, ինչ որդուս հետ են վարվել»: Նա ասաց, որ բողոքարկելու է վճռաբեկ դատարան:
Դուրս գալով վերաքննիչ դատարանի շենքից, Գոհար Մելքոնյանը չէր հանգստանում: Անգամ վեճ ծագեց նրա եւ Ռոմանի հետ սպանված Հովսեփ Մկրտումյանի մոր միջեւ: Վերջինը համոզված է, որ իր տղայի սպանության հետ այդ երեք տղաները կապ չունեն:
Կարդացեք նաև
Ռուզան ՄԻՆԱՍՅԱՆ
