Կենտրոնի տնօրենը ենթադրում է,որ իրենց մոտ պառկածները «խոզի գրիպով» են հիվանդ:
Արծվաբերդի առողջության կենտրոնի տնօրեն Գագիկ Դալլաքյանն ասաց, որ իրենց կենտրոնում մարտի 25-ի առավոտյան պառկած էր 30 հիվանդ, որոնց 60 տոկոսը երեխաներ են: Նրանք հիվանդ են թոքաբորբով, գրիպի հետեւանքներով: Դալլաքյանն ասաց, որ երեխաները հավանաբար հիվանդ են H1N1 վիրուսով, քանի որ մարտի 16-ին մահացած 7-ամյա աղջկա 12-ամյա եղբոր հետազոտությամբ պարզվել է, որ երեխան հիվանդ է գրիպի այդ տեսակով: Գագիկ Դալլաքյանը հայտնեց, որ մարտի 25-ին առողջության կենտրոնից դուրս է գրվել 19 , հոսպիտալացվել 7 հոգի, պառկած հիվանդների թիվը 21 է, գյուղում չհոսպիտալացված հիվանդներ չկան:
Արծվաբերդի առողջության կենտրոնի տնօրենն ասաց. «Դպրոցի փակումը շատ օգնեց, այլապես ողջ գյուղը կվարակվեր, ինչպես մի քանի տարի առաջ էր»: Դպրոցական արձակուրդները մեկնարկել են մարտի 18-ից եւ կշարունակվեն մինչեւ ապրիլի 1-ը: Գ. Դալլաքյանի վկայությամբ՝ առողջապահության նախարարությունից ուղարկված «Տեմաֆլու» դեղորայքը շատ է օգնել, իրավիճակն իրենց կողմից վերահսկվում է:
Կարդացեք նաև
Ոսկան ՍԱՐԳՍՅԱՆ
