Թեպետ Շաուն Շախմալյանը հայ է, սակայն ապրել է հույների հետ և սիրում է հունական ուտելիք, այնպես որ նրա համար բնական է իր «Փեսթրիս բայ Նենսի» հրուշակեղենի խանութին կցել հունական ռեստորան: Գրում է «Փեթչ» պարբերականը: Այս հրուշակեղենի խանութը գտնվում է Լոս-Անջելեսի արբանյակ քաղաքներից մեկում՝ Ալտադենայում:
Ռեստորանում ոչ միայն հունական ուտելիք կլինի, այլև քյաբաբի, մուսակայի և տոլմայի պես ավանդական կերակրատեսակներ: Ինչպես նաեւ՝ որոշ կերակրատեսակներ ամերիկյան խոհանոցից:
Շախմալյանը նաև օգտագործում է իր հայկական արմատները, որպեսզի ավելացնի որոշ կերակրատեսակներ, որոնք պակասում են հունական խոհանոցում: Օրինակ, Շախմալյանի կարծիքով, հայկական խորովածը շատ ավելի լավն է, քան հունականը: Շախմալյանը հույս ունի, որ հունական ճաշատեղին կբացվի երկու ամսից:
Կարդացեք նաև
Պատրաստեց Հովհաննես ԻՇԽԱՆՅԱՆԸ
