ՀՀ վերաքննիչ եւ զինվորական գործերով վերաքննիչ դատարանում ավարտվեց Վրաստանի քաղաքացի Վաժա Ազիարաշվիլու, ԵՊՀ աշխատակից Հասմիկ Դուրգարյանի, ոստիկան Վարդան Եղիազարյանի, վարորդ Կարեն Հովհաննիսյանի, Դավիթ Ղամբարյանի բողոքի քննությունը:
10 տարվա ազատազրկման էր դատապարտվել Վաժա Ազիարաշվիլին, որը մեղադրվել է 150 միավոր հնատիպ գրքել Ազգային գրադարանից եւ ԵՊՀ գրադարանից հափշտակելու համար: Վերաքննիչ բողոք չէր բերել միայն Երվանդ Ղամբարյանը:
Այսօր դատական նիստի ժամանակ վրացի ամբաստանյալի պաշտպան, ՀՀ փաստաբանների պալատի անդամ Արտավազդ Փարսադանյանը միջնորդեց, որպեսզի Վաժայի հարազատների կողմից Հայաստան ուղարկվելիք գրքերը ենթարկվեն ապրանքագիտական փորձաքննության:
Վաժա Ազիարաշվիլին դիմեց դատարանին (թարգմանչի միջոցով), որպեսզի դատարանը տրամադրի հասցե՝ Հայաստանից իր գնած հնատիպ գրքերը ուղարկելու համար: Ամբաստանյալ Կարեն Հովհաննիսյանի պաշտպան, փաստաբան Սեդա Սաֆարյանն ասաց, որ այդ գրքերի վերադարձը Հայաստան բխում է պետության շահերից: Նախագահող դատավոր Արշակ Խաչատրյանը մերժեց Ա. Փարսադանյանի միջնորդությունը:
Կարդացեք նաև
Այլ միջնորդություններ չեղան եւ դատարանը մտել է խորհրդակցական սենյակ՝ դատական ակտ կայացնելու:
Ռուզան ՄԻՆԱՍՅԱՆ
