2005թ. մարտի 15-ի լույս 16-ի գիշերը Ասկերանի մարտական դիրքերում սպանվեց զինծառայող Խաչատուր Մելիքյանը:
Նա Հայաստանի ըմբշամարտի բազմակի չեմպիոն էր: Հակառակորդի կողմից սպանվելու համար Խաչատուրը հետմահու արժանացավ «Արիության մեդալի»:
Սակայն հետագայում պարզվեց, որ նա սպանվել է:
Օրերս ՀՀ քրեական եւ զինվորական գործերով դատարանի վարույթ է ուղարկվել Խաչատուր Մելիքյանի սպանության գործով բողոքը:
Կարդացեք նաև
Իրավապաշտպան, սպանվածի շահերի ներկայացուցիչ Ռուբեն Մարտիրոսյանի դիտարկմամբ կատարվածը ոչ թե անզգույշ սպանություն է, այլ դիտավորյալ սպանություն:
«Խաչիկը ֆիզիկապես շատ ուժեղ էր: Նրան մեկ անձը չէր կարող գետնել:
4 ամիս առաջ հայտնաբերված Դումիկյանը չէր կարող նրան սպանել, քանի որ Խաչիկը չեմպիոն էր, տիրապետում էր մարտարվեստի հնարքների»,-ասում է Ռ.Մարտիրոսյանը:
Տուժողի իրավահաջորդի ներկայացուցիչը մեր զրույցում վկայակոչեց 2005թ.մարտի 226/14 փորձագիտական եզրակացությունը, համաձայն որի Խաչիկի մարմնի վրա հայտնաբերվել են 12 եւ ավելի քերծվածքներ, արյունազեղումներ, որոնք պատճառվել են կենդանության օրոք, մահվանից ոչ շատ առաջ:
Իրավապաշտպանի կարծիքով, նախաքննության մարմինն այս կապակցությամբ քննություն չի կատարել, նաեւ Խաչատուրի արյան մեջ էթիլ-սպիրտի հայտնաբերման ուղղությամբ գործնական միջոցառումներ չի իրականացրել:
«Նախաքննությունը չի պարզել, թե Խաչատուրը ում հետ, երբ եւ որտեղ է խմել, այն դեպքում, երբ Դումիկյանն իր ցուցմունքներում նշում է, որ դեպքից առաջ 3 սպաներ գետնատնակում մեկ լիտր օղի են դրել, եւ պատրաստվել են խմել», -ասում է Ռ.Մարտիրոսյանը:
Ըստ իմ զրուցակցի, գործի նյութերով ապացուցվել է, որ Դումիկյանը, որը գտնվել է 4-րդ դիտակետում, տեսել է շարժվող մեկին, կրակել է, սակայն տվյալ դիտակետում որեւէ պարկուճ չի հայտնաբերվել:Ուշադրության արժանի է այն, որ Խաչատուրը եղել է ձմեռային ձմեռային բաճկոնով, բաճկոնի վրա արյան հետքեր չկան, իսկ այ, ներքնազգեստի վրա առկա են եղել:
Ռուզան ՄԻՆԱՍՅԱՆ
