Մարինա Սահակյանը` երջանկության մասին
Հայաստանի երիտասարդական հիմնադրամում այսօր տեղի ունեցավ հանդիպում-քննարկում, որի ընթացքում տարբեր մասնագետներ փորձեցին տալ երջանկություն երևույթի իրենց մասնագիտական մեկնաբանությունը։
Միջոցառումը կազմակերպել էին ՀԵՀ-ը եւ «Հայաստանի ոչ պետական բուհերի ուսանողական կենտրոն» հ/կ-ն: Վերջինիս նախագահ Արմինե Բարսեղյանը Aravot.am-ի հետ զրույցում ասաց, որ այս տարի առաջին անգամ մարտի 20-ը ՄԱԿ-ի կողմից հայտարարվեց Երջանկության միջազգային օր. «ՀԵՀ-ը եւ «Հայաստանի ոչ պետական բուհերի ուսանողական կենտրոնն» առաջինն են Հայաստանում, որ որոշեցին այս տոնը նշել: ՄԱԿ-ն իր անդամ պետություններին առաջարկում է այդ օրը նշել քարոզչական-կրթական ծրագրերով: Իսկ մեր ուսանողների առաջարկով մենք նշեցինք այն քարոզչական ծրագրով: Այն նպատակ ունի ուսանողների եւ երիտասարդների շրջանում քարոզել այն գաղափարը, որ երջանկությունը կախված է անձից եւ իրականում շոշափելի երևույթ է»: Մեր զրուցակցից հետաքրվեցինք, թե որն է երջանկության իր սահմանումը. «Երջանկությունն իմ ընտանիքն է եւ իմ ընկերները»:
Ողջույնի խոսքով հանդես եկավ բուհերի հոգեւոր պատասխանատու Գեղամ սարկավագ Ավետիսյանը: « Այնպես օգտագործեք երիտասարդությունը, որ հետայագում ետադարձ հայացք նետելիս զգաք, որ կայացած անձ եք, որ ունեք հզոր մտածելակերպ եւ քրիստոնյային վայել ճշմարիտ կյանք»,-դիմելով մասնակիցներին` ասաց նա:
Կարդացեք նաև
«Յուրաքանչյուր մարդ երջանիկ է յուրովի: Մեկը երջանիկ է, որովհետեւ սիրում է եւ սիրված է, իսկ մյուսն էլ երջանիկ է, որովհետեւ հաջողություններ ունի կարիերայում»,-լրագրողների հետ զրույցում ասաց հոգեբանական գիտությունների թեկնածու Մարինա Սահակյանը:
Նրա խոսքով. «Մարդուն երջանկացնելու համար պետք է ճանաչել նրան: Անգլիացի գիտնականներն, օրինակ, սահմանել են երջանկության բանաձեւը, որը բավական տարողունակ է եւ կախված է անձնային բնութագրիչներից: Պետք է ճանաչել դրանք, ծանոթանալ մարդու աշխարհայացքին, համոզմունքներին եւ ձգտումներին, հետո` որոշել խսիտ անհակատան միջոց, որի կիրառման արդյունքում նա կարող է երջանիկ դառնալ»: Լրագրողի դիտարկմանը, թե արդյոք հոգեբանին երջանիկ լինելու համար չեն խանգարում օլիգարխ-պատգամավորները, Մարինա Սահակյանը պատասխանեց. «Ոչ: Ես ինձ երջանիկ մարդ եմ համարում, չնայած որոշ հանգամանքներից ես էլ եմ դժգոհ, բայց դրանք չեն կարող ազդել իմ երջանկության զգաղոցության վրա»:
Լուիզա ՍՈՒՔԻԱՍՅԱՆ
Մարինա Սահակյանը միգուցե Գալուստսահակյաններիցե,ինչպես իր ընկերուհի հոգեբան Նարինե Պետրոսյանը,որը օլիգարխ պատգամավոր ՄԱՊ-ի Ալիկ Պետրոսյանի դուստրն է,որը Շանթ հեռուստաընկորության հաղորդման հոգեբանն է,որը հաղորդման շրջանակներում անվանափոխված կերպարներով պատմում է իրենց շրջապատի պատգամավորների և օլիգարխների և նրանց հղպացած զավակների փողով չգնված ,չստացված երջանկությունների մասին: