Մարզպետի օգնականն իր դիմումի համաձայն ազատվել է աշխատանքից
Վերջին օրերին Տավուշի մարզպետարանի աշխատակիցներին կարելի է տեսնել տխուր տրամադրության մեջ: Մարզպետարանի մեր աղբյուրները հայտնում են, որ մարզպետ Արմեն Ղուլարյանը հաճախ է մեկնում Երեւան՝ հնարավոր պաշտոնանկության պարագայում նոր աշխատանք գտնելու համար:
2013թ. ամռանը Տավուշում ծրագիր իրականացնելու համար մարզպետարանի հետ համագործակցելու առաջարկով հասարակական մի կազմակերպության ղեկավար օրերս դիմել է Տավուշի մարզպետարանի բարձրաստիճան պաշտոնյաններից մեկին: «Դեռ հայտնի չէ ՝ ամռանը մենք կլինեն՞ք այս պաշտոնին»,- տխուր ասել է մարզպետարանի պաշտոնյան:
Ինչպես տեղեկանում ենք մարզպետարանի ինտերնետային կայքից, Տավուշի մարզպետի օգնական Միքայել Մարտիրոսյանը, ով հայտնի շոումեն Գարիկ Մարտիրոսյանի եւ ԱԺ պատգամավոր Լեւոն Մարտիրոսյանի հորեղբոր որդին է, մարտի 6-ին սեփական դիմումի համաձայն ազատվել է աշխատանքից եւ Դիլիջան այլ աշխատանքի տեղափոխվել: Նրա փոխարեն մարտի 14-ին մարզպետի օգնական է նշանակվել Կարեն Իսկանդարյանը: Մարտի 14-ին մարզպետ Ղուլարյանը որոշում է ընդունել մարզպետարանի 5 աշխատակիցների շնորհել նրանց զբաղեցրած պաշտոնների համար նախատեսված քաղաքացիական ծառայության դասային աստիճանից ավելի բարձր դասային աստիճան:
Կարդացեք նաև
Ոսկան ՍԱՐԳՍՅԱՆ
