«ՀՅԴ-ն լավատես է եւ դիտարկում է, որ քարոզարշավի հետագա պայքարի ընթացքում կփորձեն հնարավորինս կանխել կեղծիքները»,- այսօր «Մեդիա կենտրոնում» լրագրողների հետ հանդիպման ժամանակ, ասաց ՀՅԴ-ից Արթուր Եղիազարյանը:
«Մեզ համար առաջնայինը քաղաքապետի խնդիրը չէ, սա քաղաքական պայքար է: Մենք փորձելու ենք հաղթահարել բնակչության հիասթափությունը, հավատ ներշնչել»,- շեշտեց Եղիազարյանը՝ հավելելով, որ այսօր գործող իշխող քաղաքական ուժը տնօրինում է ամբողջ Երեւանը:
Եղիազարյանը համոզված է, որ Երեւանը պետք է լինի հարմարավետ տուն, արժանապատիվ մայրաքաղաք, հարմարավետ քաղաք օտարազգիների հյուրընկալելու համար: Ինչ վերաբերվում է ընտրակեղծիքներին, ապա, ըստ նրա. «Տեղամասերում արդյունքները պետք է պահպանվի, եթե ամեն տեղամասում մեկ հոգի մինչեւ վերջ կանգնող մարդ լինի, հաստատ չեն կարող ոչինչ անել, բանն այն է, որ միշտ այնպիսի մարդիկ են դնում, որոնց վրա ազդելու հնարավորություն է լինում: Բայց քաղաքական ուժերը տեղամասերում պետք է համախմբված լինեն»:
Այս ընտրությունները տարբերվում են նախագահականից, վստահեցնում է Եղիազարյանը: Ըստ նրա` նախագահականի դեպքում ընտրվում է միայն մեկ անձ, եւ հաշվի առնելով նախագահական ընտրությունների դառը փորձը, որ ՀՅԴ-ն որոշեց չմասնակցել, ընտրությունները ներկայացուցչական են`«չմասնակցելը` սխալ կլիներ»:
Կարդացեք նաև
Եվա ՀԱԿՈԲՅԱՆ
