«1996 եւ 2008 թվականներին, երբ ՍԴ-ն ողողված էր ընտրությունների արդյունքների վերաբերյալ դիմում-բողոքներով, ՍԴ-ն միեւնույն է, իշխանահաճո որոշում կայացրեց»,- այսօր այդ մասին խորհրդարանական ճեպազրույցների ժամանակ հայտարարեց «Ժառանգություն» խորհրդարանական խմբակցության ղեկավար Ռուբիկ Հակոբյանը`պատասխանելով այն հայտարարություններին, որ «Ժառանգության» ներկայացուցիչների իրավական հիմքերը թույլ էին:
Նա մեկ անգամ եւս հայտարարեց, որ ՍԴ ներկայացրած իրենց բողոքները միանգամայն բավարար էին ընտրությւոնների արդյունքները չեղյալ համարելու համար:
«Ժառանգության» համար Սերժ Սարգսյանի`լրագրողների հետ հանդիպման ժամանակ արած հայտարարությունից ամենավիրավորականն այն էր, որ մերժված առաջարկությունը նորից փակ ծրարով ներկայացվեց Րաֆֆի Հովհաննիսյանին: Ռուբիկ Հակոբյանն ասում է, որ դիվանագիտական արարողակարգով դա դիտվում է վիրավորանք, արհամարհանք դիմացինի նկատմամբ: Նա ՀՀԿ-ի ներքին խոհանոցի խնդիր է համարում`Սարգսյանը տեղյա՞կ էր, որ այդ առաջարկը մերժվել էր:
Նելլի ԳՐԻԳՈՐՅԱՆ
Կարդացեք նաև
