Այսօր՝ պոեզիայի համաշխարհային օրվա առիթով «Զարկերակ» մամուլի ակումբում էր հյուրընկալվել Արքեմնիկ Նիկողոսյանը, ով խոսեց արդի պոեզիայի բացթողումների և անելիքների մասին: Նա հայտնեց իր մտահոգությունն այն մասին, որ շատ մեծանուն գրողներ այսօր տեղ չեն գտնել դպրոցական դասագրքերում: «Նաև այսօր գրականությանը քիչ տեղ է հատկացվում: Կարելի է դպրոցներում և բուհերում գրականության ֆակուլտատիվ դասեր անցկացնել»: Սակայն Արքմենիկ Նիկողոսյանը նաև նշում է, որ վերջին մի քանի տարիներին գրողների ճանաչելիության մակարդակը բարձրացել է, « Այս մասին վկայում են սոցցանցերում արված գրառումները մեր մեծերի խոսքերից, կամ տողեր նրանց բանաստեղծություններից»:
Անդրադառնալով ժամանակակից գրողներին՝ նա նշեց, որ նրանց մեջ այսօր շատ տաղանդավորներ կան.« Այսօրվա պոեզիան չի ստում, եթե պոեզիայի մեջ կեղծիք լիներ, գրականության հետ կապը կխզվեր» :
Այն հարցին, թե ինչու՞ են այսօր խուսափում ժամանակակից գրողներին ներառել դասագրքերում, նա պատասխանեց, որ խնդիրն այն չէ, որ այսօր արժեքապես թույլ բանաստեղծներ ունենք և ոչ էլ այն, որ ցենզուրայի սահմաններում չեն գտնվում նրանց ստեղծագործությունները, այլ այն է, որ նորի հանդեպ վախ կա և անվստահություն: Նրա համոզմամաբ՝ հայ գրականությունը երբևէ այսքան հասարարական-քաղաքական չի եղել, որքան այսօր:
Այսօրվա պոեզիան լի է հայհոյանքներով և կոնկրետ մարդկանց ուղղված վիրավորանքով և այն հարցին, թե՞ սա է իսկական պոեզիան, Արքմենիկ Նիկողոսյանը պատասխանեց. «Միշտ էլ եղել են լավ ու վատ պոետներ: Պետք չէ այսօր ուշադրությունը կենտրոնացնել հայհոյանքներով լի պոեզիային: Պետք է տարբերել լկտիությունը և լկտի տարրերը, որով ստեղծվում է որոշակի գրականություն»:
Կարդացեք նաև
Մարինե ՂԱԶԱՐՅԱՆ
Արքեմնիկ Նիկողոսյանին ողջունում է Սամվել Ավդալյանը: Խնդրում եմ ուղարկել Ձեր էլ.փոստը, կա խոսելիք: Այսօրվա, դիակ հիշեցնող հայ պոեզիայի մասին: Իմ հասցեն է. [email protected]
Հայաստանը քսանմեկերորդ դարո.մ պոեզիա չո.նի: