Այսօր «Հայելի» ակումբում «Ժառանգություն» կուսակցության պատգամավոր Թեւան Պողոսյանը շեշտեց, որ Րաֆֆի Հովհաննիսյանն ու իր թիմը ամբողջ քարոզարշավի ժամանակ ներկայացրել են խնդիրներն ու դրանց տեսլականները: Պողոսյանը համոզված է, որ եթե հնարավորություն լինի ու Սերժ Սարգսյանն ու Րաֆֆի Հովհաննիսյանը կրկին նստեն բանակցությունների սեղանի շուրջ, ապա`«վստահ եմ, այդ բանակցությունները կունենան իրենց պտուղը»:
Պողոսյանն անդրադառնալով Սերժ Սարգսյանի ասուլիսին, նշեց, որ լավ կլինի, այն հեռարձակվեր ուղիղ եթերով, որպեսզի ավելի պարզ դառնար նրա խոսքը ու հանրությանը ներկայացվեր առանց մոնտաժի:
Պողոսյանը անդրադարձավ Սերժ Սարգսյանի ասածի վերաբերյալ Րաֆֆի Հովհաննիսյանի պատասխանին. «Րաֆֆի Հովհաննիսյանը՝ պատասխանելով Սերժ Սարգսյանին, նշել է, որ ինքը ոչ սոված է, ոչ էլ դառնացած եւ պատրաստ է խոսել»:
Նրանց, ում համար պարզ չէ Րաֆֆի Հովհաննիսյանի հացադուլի պահանջը, Պողոսյանը հիշեցրեց` «արդարության վերականգնումն է»:
Կարդացեք նաև
«Ցանկացած հարց լուծվում է բանակցությունների շրջանակներում ու կարեւոր չէ, թե քանի անգամ են դրանք լինում: Չկա ոչ մի վստահություն, որ երկրորդ հանդիպումից ամեն ինչ պարզ կլինի, գուցե տասնվեցերորդ բանակցություններից հարցը լուծվի, բայց մի բան պարզ է, եթե ցանկանում ենք ինչ որ բան փոխել այս երկրում, ապա պետք է գտնել խնդիրների լուծումները»,- ավելացրեց Պողոսյանը:
Եվա ՀԱԿՈԲՅԱՆ
