«Երեւանի ավագանու ընտրություններին ԲՀԿ-ի մասնակցությունը ուսանողական բառապաշարով ասած՝ վերջին լիկվիդի հնարավորությունն է նախագահական ընտրություների «նեյավկայից» հետո»: Այսօր կառավարության նիստից հետո նման կարծիք հայտնեց կրթության եւ գիտության նախարար Արմեն Աշոտյանը՝ պատասխանելով լրագրողներից մեկի այն հարցին, թե ԲՀԿ-ն որքանո՞վ է մրցակից ՀՀԿ-ին՝ Երեւանի ավագանու ընտրություններում:
Պարոն Աշոտյանի խոսքերով՝ «Թերթերում շրջանառվում են լուրեր ընտրակաշառքների աճող ծավալների մասին: Ակնհայտ է, որ նախագահական ընտրությունների ընթացքում արձանագրված ընտրախախտումների հիման վրա մարդիկ են պատժվել. «Իսկ քանի որ մեր մոտեցումն այն է, որ այս ընտրությունները պետք է լինեն ավելի լավը, քան նախագահական ընտրությունները, ակնհայտ է, որ կպատժվեն բոլոր ընտրախախտները»: Անդրադառնալով ԲՀԿ ցուցակը գլխավորող Վարդան Օսկանյանի թեկնածությանը, պարոն Աշոտյանն ասաց. «Օսկանյանը դեռ մեղադրվում է գումարների լվացման գործում: Չեմ ուզում մկենաբանել գործի ընթացքը, բայց ուզում եմ որպես երեւանցի հասկանալ՝ որքանով այս ընտրությունները կարող են պետք գալ Երեւանի փողոցները մաքուր պահելու համար»:
Նելլի ԲԱԲԱՅԱՆ
