Հովիկ Աբրահամյանի դիտողությունը պատգամավորներին
Այսօր մինչ ՀՀԿ-ական պատգամավոր Կորյուն Նահապետյանն ԱԺ ամբիոնից իր մտահոգություններն էր ներկայացնում մաքսային եւ հարկային օրենսդրության նախագծերում կառավարությոն ներկայացրած փոփոխությունների վերաբերյալ, նիստը նախագահող ԱԺ նախագահ Հովիկ Աբրահամյանն ընդհատելով պատգամավորի ելույթը`դիտողություն արեց դահլիճում նստածներին. «Հարգելի պատգամավորներ, ես վստահ եմ, որ դուք շատ կարեւոր հարցեր եք քննարկում, բայց խանգարում եք: Գոնե մի քիչ կամաց խոսեք»:
Իսկ բուն հարցի շուրջ ելույթ ունեցողների մտահոգությունը վերաբերվում էր նրան, որ կառավարությունն առաջարկում է՝ հարկային եւ մաքսային մարմիններում աշխատողների որակավորման խնդիրը պետք է հենց այդ մարմիններին թողնվի: Առաջարկ կա, որ այդ գործը կատարի միջգերատեսչական հանձնաժողովը: Պատգամավորները գտնում են, որ այդ հանձնաժողովի կազմում պետք է լինեն նաեւ հասարակական սեկտորի ներկայացուցիչները եւ դա պետք է կարգավորվի օրենքով:
Ինչպես նաեւ, վերորակավորման թեստերը պատրաստող մարմինը նաեւ օրենքով պետք է սահմանվի, ոչ թե կառավարության որոշումներով: Նախկին վարչապետ Խոսրով Հարությունյանն իր օրինակը վկայակոչելով նկատեց, որ որեւէ փաստաթուղթ, որն անցնում է խորհրդարանական քննարկում, միայն շահում է եւ միայն առավել դրական արդյունք կարող է ապահովել:
Կարդացեք նաև
Նելլի ԳՐԻԳՈՐՅԱՆ
Ինչղ ենենք որ, Խոսրով Հարութունյանը հասկանա,որ իր ժամանակը անցել է եվ ինչպես ֆռանգները/կաթոլիկները/ կսեն, Ղոնախն որ կուշտ կերավ պտի ամեն ինչ թողնի ու երտա ԳՆԱ Էլի: Էտ խուջուջ բառերտ ու էքսցենտրիկ մտքերտ էլ դու կգտնիս մի տեղ կարտահայտվիս: Հասակտ էլ էնպիսին է օր էլ ուրիշ կուսակցություն չես գնա, Ամոթ է Ընկեր կոմունիստ, սրբազան քրիստոնյա դեմոկրատ,Վարկաբեկված Հ.Հ.Կ.ական, մի խոսքով չղչիկ: