«Strangers In the Night» երգի, որը հայտնի է Ֆրենկ Սինատրայի կատարմամբ, հեղինակը հայ է: Գրել է «Սուպեր Յախթս» կայքը՝ ներկայացնելով «Stranger» ժամացույցը, որը նվագում է 1960-ականների հայտնի երգը:
Երգի հեղինակը ամերիկահայ ջազ դաշնակահար Ավո Ուվեզյանն է: Երգը մեծ հռչակ ձեռք բերեց 1966թ. Ֆրենկ Սինատրայի կատարումից հետո: Այդ կատարումը արժանացել է երեք «Գրեմմի» մրցանակի:
Ուվեզյանը ծնվել է 1926թ., Բեյրութում, երաժիշտների ընտանիքում, մայրը երգչուհի էր, իսկ հայրը երգահան և սիմֆոնիկ նվագախմբի ղեկավար: Բացի երաժշտությունից Ուվեզյանը զբաղվում է սիգարի արտադրությամբ:
Պատրաստեց Հովհաննես ԻՇԽԱՆՅԱՆԸ
