Արդարադատության նախարարը «Ժառանգության» պատգամավորներին հորդորում է մնալ իրավական հարթության մեջ:
Ազգային ժողով-կառավարություն հարցուպատասխանի ժամանակ «Ժառանգություն» խմբակցության ղեկավար Ռուբեն Հակոբյանն անդրադարձավ Սահմանադրական դատարանի վճռին: Նա արդարադատության նախարար Հրայր Թովմասյանից հետաքրքվեց, թե ինչո՞ւ էր նա իրավաբանի դերում հանդես գալիս: Հրայր Թովմասյանն ասաց, որ «Ժառանգության» ներկայացրած հայցը շատ թույլ էր և իրավական հիմնավորում չուներ: Դիմելով պատգամավորներ Ռուբեն Հակոբյանին ու Զարուհի Փոստանջյանին՝ Հրայր Թովմասյանն ասաց. «Պարոն Հակոբյան ջան, Զարուհի ջան, մի արեք այդպես, իրավական հարթության մեջ: Եթե պարտվել եք, ապա սա է, ուրիշ անելիք չկա այստեղ»:
Հրայր Թովմասյանը նաև ասաց, որ հայցի քննության օրերին, որպես նախարար, իր ծառայողական մեքենայից չի օգտվել, իր անձնական ավտոմեքենայով է գնացել Սահմանադրական դատարան`պատասխանելով այն դիտարկումներին, որ ինքը չարաշահել է պետական պաշտոնը`այն դնելով հանուն կուսակցական գործի:
Նելլի ԳՐԻԳՈՐՅԱՆ
Կարդացեք նաև
