Գերմանուհի Քաթարինա Անդերը ցույց է տալիս սեղանին դրված Հովհաննես Թումանյանի գիրքը ու պատմում, որ ուզում էր գալ հետխորհրդային երկիր՝ Հայաստան, ռուսերեն սովորելու համար, այնինչ արդյունքում հայերեն սովորեց:
Նա արդեն 7 ամիս է, ապրում է Հայաստանում և կամավորական ծրագրով աշխատում Ուրծաձոր գյուղում:
«Ուրծաձորում ոչ մեկն անգլերեն չի խոսում, բացի դպրոցի ուսուցչուհուց, ես էլ անընդհատ հայերեն լսելով` սովորեցի: Շատ հաճախ մարդկանց հետ խոսում էի ժեստերով: Այդպես հեշտ էր շփվել, խոսել, ու մենք հասկանում էինք իրար: Հետո սկսեցի հայերեն բառեր գրել մոտս, ինչ որ լսում էի, ու սովորել»,- ասում է 23-ամյա Քաթարինան:
Նա նշում է, որ հայերենում շատ բարդ բառեր կան, որոնք դժվար է թե´ լսել և թե´ արտաբերել: Այնուամենայնիվ դա չի խոչընդոտել նրան հայերեն սովորել, կարդալ և խոսել:
Կարդացեք նաև
Քաթարինան ծնվել է Դրեզդեն քաղաքում, Լայպցիգում ստացել ֆիզիկոսի կրթություն: Քանի որ բնություն շատ է սիրում և Գերմանիայում աշխատում է բնապահպանական կազմակերպությունում, կամավորական ծրագրով Հայաստան գալիս ընդգրկվում է հենց Վայրի բնության և մշակութային արժեքների պահպանման հիմնադրամի բնապահպանական ծրագրում:
Մանրամասն՝ կարդացեք այստեղ
