Ինչպես ավելի վաղ հայտնել էինք, Կենտրոն և Նորք-Մարաշ վարչական շրջանների ընդհանուր իրավասության դատարանի դատավոր Ռուբեն Ափինյանը ամբողջությամբ մերժել էր ԵՊԼՀ նախկին ռեկտոր, պրոֆեսոր Սուրեն Զոլյանի հայցն ընդդեմ Կրթության եւ գիտության նախարարության, իսկ Կենտրոն եւ Նորք-Մարաշ վարչական շրջանների ընդհանուր իրավասության դատարանի վճռի դեմ բերած բողոքի քննությունը նշանակվել է ՀՀ քաղաքացիական գործերով վերաքննիչ դատարանում՝ վաղը` մարտի 21–ին :
Այսօր «Նոյան Տապան» վերլուծական-լրատվական կենտրոնում Սուրեն Զոլյանն ասաց, որ տեսնելով նախորդ դատավարության մակարդակը` չի հավատում սպասվելիք քննության արդարացի լինելուն. «Դիմեցի Վերաքննիչ, որովհետեւ պետք է անցնեի բոլոր ատյաններով: Պետք է հասնենք նաւ վճռաբեկ դատարանի որոշմանը, որից հետո հնարավոր կլինի դիմել Եվրադատարան»:
Զոլյանը մեջբերեց Պլատոնի խոսերը` «ամենամեծ հանցագործությունը իր իսկ պետության դեմ անարդարությունն է», ապա հավելեց. «Պետությունների կործանման պատճառն անարդարությունն է: Եթե ես այսօր տարբեր պաշտոնյաների հանցագործ եմ համարում, թող չնեղանան, այդպես Պլատոնն է ասել: «Բանդիտը» գիտակցում է, թե ինչ է անում. խոսում են ՀՀ անունից եւ գործում օրենքի դեմ»:
Խոսելով Ազատության հրապարակում ելույթից հետո ԱԱԾ-ից ստացած հեռախոսազանգի մասին ` պարոն Զոլյանն ասաց, որ հավանաբար զանգահարողը ոմն «պրովոկատոր» է եղել. «Խնդրել Էի գրավոր ծանուցագիր ուղարկել, բայց մինչ օրս չեմ ստացել»:
Կարդացեք նաև
Զոլյանն ասաց, որ մեծահոգություն է համարում Րաֆֆի Հովհաննիսյանի հացադուլը. «Նա առաջամարտիկի պատասխանատվություն է վերցրել իր վրա: Ես նրան ընտրված նախագահ եմ համարում, իսկ ռեժիմը նախագահասպանություն է անում»:
Բանախոսի դիտարկմամբ. «Ազատության հրապարակում հավաքված մարդիկ մտածում են մի բան ստեղծել»:
Զոլյանը հաստատեց, որ «Ժառանգությունից» առաջարկ է ստացել Երևանի ավագանու ընտրություններում ընգրկվել իրենց ցուցակում. «Խնդրել եմ ինձ ցուցակի վերջում «գցել»:
Անդրադառնալով մի խումբ ակտիվիստների եւ ուսանողների կողմից հայտարարված դասադուլին` ԵՊԼՀ նախկին ռեկտորը ուսանողներին խորհուրդ տվեց փոխել «ժամկետանց» ուսխորհուրդների կազմը. «Դա ավելի արդյունավետ քայլ է, քան դասի չգնալը»:
Խոսելով նախագահի երեկվա ելույթից ` Զոլյանն ասաց. «Հույսեր ունեի, որ մարդիկ գիտակլցելու են պրոցեսների լրջությունը, բայց պարզվեց, որ դասեր չեն քաղել եւ պատրաստ չեն լուրջ հետեւություններ անել իրականությունից»:
Լուիզա ՍՈՒՔԻԱՍՅԱՆ
Ախր, էս պատեհապաշտը երբվանից դարձավ ընդդիմություն: Հենց ոտքը տրորեցին, պաշտոնից հանեցին, նոր հասկացավ ինչ երկրում է ապրում: Մինչ այդ ինչու էր այդքան կրավորական: Չեմ հարգում