Ամերիկյան «Bleacher Report» ինտերնետային հրատարակությունն ընթացիկ մրցաշրջանի արդյունքներով կազմել է Եվրոպայի 20 ուժեղագույն ֆուտբոլային ակումբների ցանկը, որտեղ Դոնեցկի «Շախտյորը» եզրափակում է լավագույն տասնյակը:
Ուկրաինայի չեմպիոնը, որի կազմի առանցքային ֆուտբոլիստներից է Հայաստանի ազգային հավաքականի կիսապաշտպան Հենրիխ Մխիթարյանը, շրջանցել է այնպիսի գրանդ ակումբների, ինչպիսիք են «Ինտերը», «Չելսին», «Արսենալը», «Մանչեսթեր Սիթին», «Նապոլին», «Պորտուն»:
Ահա, թե որ թիմերն են կազմել Եվրոպայի ուժեղագույն տասնյակը: «Բավարիա», «Բարսելոնա», «Ռեալ», «Մանչեսթեր Յունայթեդ», «Յուվենտուս», «Բորուսիա», «Միլան», «Ատլետիկո», ՊՍԺ, «Շախտյոր»:
Աշոտ ՀԱԿՈԲՅԱՆ
