«2012-ին Երևանը դարձավ գրքի համաշխարհային մայրաքաղաք, բայց Երևանի գրքի տոնավաճառն ուղղակիորեն դուրս շպրտվեց երիտասարդական մետրոյի տարածքից, այնպես, կարծես, գիրքը մակուլատուրա է, որից պետք է ազատվել»,- այսօր խորհրդարանի ամբիոնից հայտարարեց ԲՀԿ խմբակցության քարտուղար Նաիրա Զոհրաբյանը:
Տիկին Զոհրաբյանը նկատի ուներ մետրոյի Երիտասարդական կայարանի հարակից անցումից գրավաճառներին դուրս հանելը: Նա նշեց, որ ԲՀԿ-ն հրավիրել է գրավաճառներին, զրուցել նրանց հետ, լսել նրանց բողքներն ու առաջարկությունները, հարցն այսօր Երեւանի ավագանու ԲՀԿ-ական անդամները բարձրացվել են նաև Երևանի ավագանու նիստում: Ըստ Ն.Զոհրաբյանի՝ նրանց որպես փոխհատուցում առաջարվել է ձկան խանութի միզահոտ գենտնացնումն՝ ասելով՝ «ուզում եք, ուզեք, չեք ուզում, մի ուզեք»: Մինչդեռ իշխանությունն, ըստ նրա, պետք է մինչև նրանց դուրս հանելը, լսեր նրանց առաջարկները, որպեսզի գրքի շուկան չկործանվեր: «Երևանի գրքի տոնավաճառը պետք է պահպանվի»,- ընդգծեց Ն.Զոհրաբյանը:
Նելլի ԳՐԻԳՈՐՅԱՆ
Կարդացեք նաև
