ԱԺ հայտարարությունների ժամին ԱԺ ՀՅԴ խմբակցության քարտուղար Աղվան Վարդանյանը եւս անդրադարձավ երկրում ստեղծված ներքաղաքական իրավիճակին`փաստելով, որ նախագահական ընտրություններից հետո երկրում ստեղծված իրավիճակը պահանջում է հանգուցալուծում:
Ըստ նրա՝ ուլտիմատումը, դիմակայության սրումը, զիջումների չգնալու արտահայտությունները մեզ որեւէ տեղ չեն տանելու, ավելի են խորացնելու հասարակության, իշխանության եւ քաղաքական ուժերի միջեւ անջրպետը: Արմատական փոփոխությունների անհրաժեշտությունը, ըստ պատգամավորի, հասկանոմ են բոլորը, նաեւ՝ քաղաքական մեծամասնությունը: «Եթե մենք չկարողանանք այս մթնոլորտը լիցքաթափել, նվազեցնելու ենք երկիրը զարգացնելու հնարավորությունները, ունենալու ենք անտարբերություն, հիասթափություն, արտագաղթ, որը համազգային, համապետական լուրջ խնդիր է»,-հայտարարեց դաշնակցական պատգամավորը, ով ստեղծված իրավիճակից ելքը տեսնում է քաղաքական համաձայնության մեջ:
«Մենք մեր երկրի ներսում թշնամիներ չունենք, տարաձայնություններ, տարբերություններ, այո’, կան, բայց ոչ երբեք թշնամանք, եւ միայն քաղական համաձայնությամբ է հնարավոր փոխել այս իրավիճակը, կարծում ենք դրա համար հիմքեր կան, եթե բոլոր կողմերն իսկապես կոնստրուկտիվ են տրամադրված: Մենք ունենք մեր ճանապարհային քարտեզը եւ կարծում ենք, որ կարելի է այդ ճանապարհով առաջ գնալ»,-հայտարարեց ՀՅԴ խմբցության քարտուղարը` հիշեցնելով ՀՅԴ-ի առաջարկները, որոնք ենթադրում են մեկ տարվա ընթացքում արմատապես փոխել Ընտրական օրենսգիրքը, գնալ 100%-անոց համամասնական ընտրակարգի, բացառել կրկնակի քվեարկությունները, ցուցակները հրապարակել, երկու-երկուսուկես տարվա ընթացքում անցկացնել Սահմանադրական հանրաքվե, գնալ նոր խորհրդարանական ընտրությունների եւ ի վերջո ձեւավորել ընդդիմություն-իշխանություն միասնական համակարգ, երբ ընդդիմությունը կունենա իշխանությանը վերահսկելու գործուն լիազորություններ:
Նելլի ԳՐԻԳՈՐՅԱՆ
Կարդացեք նաև
Հետաքրքիր է, կա մի սկզբունքային հարց ՀՅԴ-ի համար: ԹԵ չէ հաճախ բհկ-ի համն է տալիս: