Մարտի 3-ին, ժամը 17.00-ին, ոստիկանության Քանաքեռ-Զեյթունի բաժին էր դիմել 46-ամյա մի տղամարդ և հայտնել, որ մարտի 2-ի ժամը 21.00-ից մինչև մարտի 3-ի ժամը 15.00-ն ընկած ժամանակահատվածում Զաքարիա Սարկավագի փողոցում գտնվող, իրեն պատկանող ավտոլվացման կետի աշխատակիցն իր մոտ եղած բանալիով դուռը բացելով՝ ավտոլվացման կետից գողացել է ավտոլվացման սարք, հսկիչ դրամարկղային 2 մեքենա, «ԴՎԴ» նվագարկիչ և հեռուստացույց` պատճառելով 450.000 դրամի նյութական վնաս:
Մարտի 18-ին, ժամը 13.30-ին, ոստիկանության ծառայողներն այդ գողությունը կատարելու կասկածանքով բերման են ենթարկել Երևան քաղաքի բնակիչ, 1981 թ. ծնված Կարլեն Խ.-ին, որը տվել է խոստովանական բացատրություն:
Ձեռնարկվում են միջոցառումներ գողոնը հայտնաբերելու ուղղությամբ:
Նախաքննությունը շարունակվում է:
ՀՀ ոստիկանություն
