Այսօր «Արմատ» ակումբի հյուրերն էին վրացագետ Ալիկ Էրոյանցը և ադրբեջանագետ Սարգիս Ասատրյանը, ովքեր խոսեցին Վրաստան-Ադրբեջան հարաբերությունների վատթարացումների մասին և դրա հետևանքները Հայաստանի համար թեմայի շուրջ:
Ալիկ Էրոյանցի կարծիքով՝ ժամանակին ջերմ վրացա-ադրբեջանական հարաբերություններն այսօր բավականին լարված են և դա չէր կարող ազդեցություն չունենալ Վրաստան-Հայաստան հարաբերությունների վրա: « Ներկայումս մենք շատ շահեկան փուլում ենք գտնվում»: Նրա խոսքերով՝ իրականում այս հակամարտությունները վաղուց էին սկսել, պարզապես դրանց մասին չէր բարձրաձայնվում:
Վրաստանում այժմ լարված է ներքաղաքական իրավիճակը՝ Սահակաշվիլի-Իվանիշվիլի հարաբերությունները, և այն հարցին, թե ըստ նրանց ո՞ր ուժն է ավելի ծանրակշիռ՝ պարոն Էլոյանցը պատասխանեց, որ Սահակաշվիլին վերջերս այնպիսի քայլեր է անում, որոնցից հստակ կարելի է հասկանալ, որ նա կորցնում է իր իշխանությունը: «Ներքաղաքական իրավիճակը Վրաստանում բավականին լարված է, այս երկու կողմերը ոչ մի առիթ բաց չեն թողնում միմյանց քննադատելու համար»:
Այն հարցին, թե արդյոք Ադրբեջանի խանդը չի ազդի Վրաստան-Հայաստան հարաբերությունների լավացման վրա, ադրբեջանագետ Սարգիս Ասատրյանը պատասխանեց, որ Ադրբեջանն այսօր լուրջ մտահոգություններ ունի Կարս-Ախալքալաք երկաթգծի փակման մասին, քանի որ խոսակցություններ են գնում աբխազական երկաթգծի բացման մասին, որը և´ Հայաստանի, և´ Վրաստանի համար շատ շահավետ կլինի: Ադրբեջանագետը համոզված է, որ Իվանիշվիլիի իշխանության գալուց հետո վրաց-ադրբեջանական հակամարտությունները կխորանան:
Կարդացեք նաև
Մարինե ՂԱԶԱՐՅԱՆ
