«Անկայուն իրավիճակը վնասում է ժողովրդին, ոչ թե իշխանավորին»,- այսօր «Ֆորում» ակումբում ասաց ՀՀ պաշտպանության նախկին փոխնախարար Վահան Շիրխանյանը, որի խոսքով՝ քաղաքականությունը շուկա է եւ առեւտուրը միշտ էլ գոյություն ունի:
Շիրխանյանը անդրադառնալով Րաֆֆի Հովհաննիսսյանի ընտրազանգվածին, այսինքն` այն հինգ հարյուր հազար հոգուն, որոնք չեն ընդունում Սերժ Սարգսյանին իբրեւ նախագահ, ասաց. «Չհարմարվելով, միեւնույն է, իրենք իրենց օգուտ չեն տալու: Այդ հինգ հարյուր հազարը մեծամասնություն չէ: Ես նրանց լավ եմ հասկանում, իրենք ունեն չլուծված խնդիրներ որոնք կապում էին Րաֆֆի Հովհաննիսյանի հետ, բայց ես կասկածում եմ, որ դրանք կլուծվեին, պարզապես այդ մարդիկ պետք է մտածեն, թե իրենց բողոքի, պայքարի արդյունքը ինչ է լինելու, արդյոք Սերժ Սարգսյանը հրաժարակա՞ն է տալու: Դե իհարկե՝ ոչ: Իսկ եթե ոչ, ապա այդ դեպքում ինչո՞ւ են գնում փողոց»:
Շիրխանյանի կարծիքով` եթե այն հինգ հարյուր հազար հոգին ցուցաբերի քաղաքական անհնազանդություն, գնա կոշտ քայլերի, ապա Հայաստանը եւս հինգ տարով հետ կգնա:
Եվա ՀԱԿՈԲՅԱՆ
Կարդացեք նաև
