Համաշխարհային գոլֆի աստղ Թայգեր Վուդսը իր կայքէջում տեղադրել է իր եւ լեռնադահուկային սպորտի աստղ Լինդսի Վոնի լուսանկարները եւ պաշտոնապես հայտարարել, որ իրենց մեջ արդեն մի քանի ամիս սիրավեպ կա:
Վուդսը, որ հայտնի է իր սեռական ակտիվությամբ, հերթական անգամ դավաճանության մեջ բռնվելուց հետո անցած տարվա օգոստոսին բաժանվել է կնոջից՝ Էլին Նորդեգրենից: Գոլֆիստը խոստովանել է, որ սեռական կախվածությունից ձերբազատվելու հատուկ կուրսեր է անցել եւ կայքէջում խնդրել է հարգել իր եւ Վոնի անձնական կյանքը: Նա մարզասերներին նաեւ վստահեցրել է, որ երկուսն էլ շարունակելու են մարզական կարիերան:
Աշոտ ՀԱԿՈԲՅԱՆ
