Արդարադատության նախարարության «Կոշ» քրեակատարողական հիմնարկի կալանավոր, 8 տարվա ազատազրկման դատապարտված Արթուր Խաչատրյանը, երբ դեռ գտնվում էր «Նուբարաշեն» քրեակատարողական հիմնարկում, այս տարվա հունվարի 10-ին նամակով դիմել էր ՀՀ ոստիկանության քննչական գլխավոր վարչության քննիչ Ա.Ավետիսյանին, որպեսզի իր իրերը՝ ժամացույցը, հեռախոսը եւ 94 000 դրամը հանձնեն մորը՝ Ազնիվ Խաչատրյանին:
Իրերը չէին հանձնել մորը:
«Նուբարաշեն» քրեակատարողական հիմնարկի ժամանակավոր պաշտոնակատար Գ.Սարգսյանից էլ գրություն էր ստացվել, թե դատապարտյալի կողմից նման դիմում չի ներկայացվել իրենց՝ ՀՀ ոստիկանության քննչական գլխավոր վարչություն առաքելու համար:
Դատապարտյալը երրորդ դիմումն է ուղարկել:
Կարդացեք նաև
Արթուր Խաչատրյանը 2011թ.մայիսի 24-ից ազատազրկվել է, նրա դատավճիռը բողոքարկվել է նաեւ ՀՀ քրեական գործերով վերաքննիչ դատարան: Դատավճիռը մտել է օրինական ուժի մեջ, սակայն այդքանով հանդերձ, ինչպես մայրը՝ Ազնիվ Խաչատրյանը, մեր հետ զրույցի ժամանակ տեղեկացրեց, որդու իրերը դեռ տեղ չեն հասել: Նկատենք, որ դատավճռով բռնագանձում չի տարածվել:
Ռուզան ՄԻՆԱՍՅԱՆ
