Լրացավ Րաֆֆի Հովհաննիսյանի հացադուլի 1 շաբաթը
Այսօր Ազատության հրապարակում մեկնարկեց բաց քաղաքացիական խորհրդի առաջին նիստը, որի մասին հայտարարել էին Րաֆֆի Հովհաննիսյանի վերջին հանրահավաքում: Նիստը վարում էր Նիկոլ Փաշինյանը: Հիշեցնենք, որ պարբերաբար անցկացվող նիստերի ընթացքում քաղաքացիների հետ քննարկվելու է, թե ովքեր մեր հասարակության մեջ ունեն պոտենցիալ եւ կարող են իրենց տեղն ու դերն ունենալ Րաֆֆի Հովհաննիսյանի կողքին՝ նրա ձեւավորելիք կառավարության կազմում:
Մինչ քննարկումը Րաֆֆի Հովհանիսյանը հայտարարեց, որ «այս նիստով սկսում է մեր հաղթական պայքարի այս հանգրվանի իմ երկրորդ շաբաթը: Մի շաբաթ առաջ ժամը 5-ին ես նախաձեռնեցի իմ մասնակցությունն այս ձեւաչափով, մտնում եմ երկրորդ շաբաթը եւ տեսնում ենք, որ 1 շաբաթվա ընթացքում արդեն ինչ հասունացում է գնում Ազատության հրապարակում եւ ընդհանրապես ողջ Հայաստանի Հանրապետությունում: Այս գործընթացը պիտի շարունակվի առանց նահանջի եւ առանց դադարի: Քաղաքացիական, հասարակական կազմակերպչական աշխատանքները պիտի տանենք մինչեւ ապրիլի 9-ը»:
Նա տեղեկացրեց, թե ովքեր են քաղաքոացիական խորհրդի առաջիկա նիստերը վարելու: Վաղը լինելու է Անդրիաս Ղուկասյանը, երեքշաբթի՝ Կարապետ Ռուբինյանը, չորեքշաբթի՝ Ժիրայր Սեֆիլյանը եւ հինգշաբթի առաջին շաբաթը կամփոփի Արմեն Մարտիրոսյանը՝ հավանաբար Դավիթ Սանասարյանի հետ:
Կարդացեք նաև
Րաֆֆի Հովհաննիսյանի խոսքերով՝ «Թող ոչ ոք արցունքով չգա: Թող արցունքը լինի երջանկության, համոզմունքի եւ հաղթանակի արցունք, որ անպայման, եթե պետք լինի, թափելու ենք: Արցունք ենք թափելու եւ ուրիշ ոչ մի բան: Հաղթանա՛կ»:
Նա վստահեցրեց, որ այս խորհուրդն իրենց առանցքային միջոցառումն է լինելու:
Հռիփսիմե ՋԵԲԵՋՅԱՆ
Զարմանլի: Միթէ չեն տեսնում ուրիշների ապագայ(ասենք էնթադրական, Հ.Հ ի Կառավարական կազմում) անպայման ԼՏՊ ից,եւ նմաններից ճիւղաւորւածներ:Սխալ չհասկացւեմ:Ես յարգում եմ բըլրին անխտիր…բայց ինչու չփնտրել Նոր Արիւն Աւիշ-այն է Երիտասարդութիւն զոր անհամբեր է ԻՆՔՆ ԷԼ ԱԶԳԱՅԻՆ ԱՇԽԱՏԱՆՔՆԵՐԻ ՀՐԱՊԱՐԱԿ ԻՋՆԵԼՈՒ…միայն Հ Ն Ե Ր?
^Ժամանակս սուղ է ես կը փորձեմ գրել մանրամասն եւ Էլէքտրօ նամակով(Իմէյլ) թերթերի ուղարկէել եւ բազում հայրենագիցների::::::::
Այսօրվանից մեր հույսերը կդառնան իրականություն։