Երկար տարիներ է, ինչ Ջորջ Քորոյանը Ֆրեզնոյում հայկական ուտելիքի մատակարար է համարվում: Նրա հոտավետ ճաշատեսակները, ինչպիսիք են քյաբաբը, խաշլաման և մուսական գրավել են ամենաքմահաճներին: Գրում է «Հենֆորդ սենթինել» պարբերականը:
Նա իր կնոջ, դստեր, հոր և մոր հետ Հայաստանից Ֆրեզնո է մեկնել խորհրդային տարիներին: Իր առաջին « Ջորջի քյաբաբ» ռեստորանը բացել է 1970-ականներին:
2000-ականներին բիզնեսը թողնելով իր ազգականներին՝ նա սկսել է զբաղվել բժկությամբ՝ մեծահասակների բժշկական հաստատությունում:
66-ամյա Քորոյանը կրկին վերադարձել է ռեստորանային բիզնես՝ վերցնելով «Հայ փողոցի գրիլ» ռեստորանը և վերանվանելով «Ջորջի հայ փողոցի գրիլ»: Նրա կինը՝ Իսկուհին, շարունակում է օգնել նրան՝ փախլավա և այլ ուտեստներ պատրաստելով:
Կարդացեք նաև
1991թ. «Ֆրեզնո բի» թերթը Ջորջի մասին գրել էր. «Այս քաղաքում հայկական ուտելիքի անուն տվեք ու ինչ-որ մեկը հաստատ կկապի «Ջորջ» անվան հետ»:
«Բանն այն է, որ դուք այնքան եք սովորել Ջորջ անվան, որպես հայկական ուտեստների հոմանիշի, որ թվում է թե նա հավերժ այստեղ է եղել»:
Պատրաստեց Հովհաննես ԻՇԽԱՆՅԱՆԸ
