«Երեկ շատ խելացի պատգամավոր Դավիթ Հարությունյանը որոշ մեկնաբանություններ արեց: Այն խնդիրների առջեւ, որ մենք կանգնել ենք, այդ խնդիրները 2008-ից աշխատանքային խմբում քննարկվել է: Պարոն Հարությունյան, մենք ձեզ հետ այդ խմբի անդամ էինք: Մենք պայմանավորվեցինք, որ 100 տոկոս համամասնական պետք է լինի»,- այսօր Ազատության հրապարակում հանրահավաքից դիմելով ՀՀԿ պատգամավոր Դավիթ Հարությունյանին՝ ասաց «Ժառանգություն» կուսակցության փոխնախագահ Արմեն Մարտիրոսյանը:
Նրա խոսքերով՝ «Մենք պայմանավորվեցինք, որ այսուհետեւ քվեարկությանը մասնակցած ընտրացուցակները պիտի հրապարակվեին: Մենք պայմանավորվեցինք, որ պետք է անձնագրային տվյալները չերեւար, բայց երեւար այդ մարդու մասնակցությունը: Դուք գիտեիք, որ դա խնդիր չէր, որովհետեւ միջազգային կազմակերպությունները դրա ֆինանսավորումն իրենց վրա էին վերցրել՝ տեսանկարահանող սարքեր տեղադրելու: Դուք չհամաձայնեցիք: Այսօր ձեր կատարած վատ աշխատանքը մի փորձեք մեր վրա գցել»:
Արմեն Մարտիրոսյանը նաեւ կարդաց ազատամարտիկների կոչերը, որով հորդորում էին մարդկանց միանալ շարժմանը եւ ստեծել նոր, իրենց երազած Հայաստանը:
Ելույթ ունեցավ նաեւ Սպառողների իրավունքների պաշտպան Արմեն Պողոսյանը, որը նշեց, թե ինչ է կատարվում Հայաստանում. «Կեղծված սնունդ, կեղծված ընտրություններ»:
Կարդացեք նաև
«Սարդարապատ» շարժման անդամ Գարեգին Չուքասզյանն էլ խոսեց նոր Հայաստանի երկունքից ու խորհուրդ տվեց. «Փոխեք տատմորը, ծննդատունը տեղափոխեք Ազատության հրապարակ»:
Հռիփսիմե ՋԵԲԵՋՅԱՆ
