Արաբկիր եւ Քանաքեռ-Զեյթուն վարչական շրջանների ընդհանուր իրավասության դատարանում դատավոր Ալվարդ Հունանյանի նախագահությամբ ավարտվեց ԱԺ նախկին աշխատակից, լրագրող Գոհար Արշակյանի դեմ «Քանաքեռ-Զեյթուն» տարածքային զբաղվածության կենտրոնի հայցով դատական քննությունը::
Դատարանը մերժեց «Քանաքեռ-Զեյթուն» տարածքային զբաղվածության կենտրոնի հայցը:
Հիշեցնենք, որ Գ.Արշակյանը անցյալ տարվա հունիսի 1-ին դիմել էր «Քանաքեռ-Զեյթուն» տարածքային զբաղվածության կենտրոնին` գործազուրկի կարգավիճակ ու նպաստ ստանալու համար: Մի քանի օր հետո նա ներկայացել էր կենտրոն, որտեղ մերժել էին նրան հաշվառել: Պատճառաբանել էին, թե աշխատանքային գրքույկում հայտնաբերվել է, որ Գ.Արշակյանը 16-17 տարի առաջ` 1995-1997թթ եղել է նպաստառու գործազուրկ և միաժամանակ աշխատել է Հայաստանի պետական՝ հանրային հեռուստատեսությունում: Գ.Արշակյանը, ըստ զբաղվածության կենտրոնի, 34 000 դրամ պարտք էր: Կենտրոնը պահանջել էր, որ մինչեւ նշված գումարը նա չվերադարձնի՝ չեն գրանցելու ու նպաստ չեն նշանակելու:
Ռուզան ՄԻՆԱՍՅԱՆ
