ՀՀ նախագահի 2012 թ. արվեստի բնագավառի մրցանակին ներկայացված ճարտարապետության և կերպարվեստի աշխատանքները ցուցադրվում են «Ակադեմիա» պատկերասրահում:
Երիտասարդ, բայց մեծահասակ արվեստագետների կողքին իր աշխատանքներն է ներկայացրել նաև դիզայներ, լուսանկարչուհի Ազատուհի (Տաթև) Մնացականյանը: Նա բավականին մեծ սիրով է խոսում իր աշխատանքների մասին, որոնք առանձնանում են իրենց նմանը չունեցող օրինակներով: Տաթևը ներկայացրել է հայ մեծահասակ անվանի արվեստագետներին իրենց անձնական արվեստանոցներում:
Լուսանկարչուհին ասում է. «Իմ աշխատանքներում ներկայացրել եմ արվեստի երախտավորներին` առանձնացնելով նկարիչներին և քանդակագործներին: Այսօր ամենափակվածն ու ամենաանմեղը նկարիչներն ու քանդակագործներն են ի տարբերություն երգիչների ու դերասանների, որոնք ունեն բեմ`հանդես գալու համար: Ես սկսել եմ ներկայացնել մեծահասակ արվեստագետներին, որոնց շատ քիչ է մնացել ապրելու: Եվ նրանք այն մարդկանց մի խումբն են, ովքեր ինչ որ չափով կապված են էն մյուս անցյալի հետ, որոնց մենք չենք տեսել: Այսօր այդ արվեստագետներն ունեն պատմություն, արխիվ` թողած իրենց ստեղծագործություններով: Ես ինքս, լինելով երիտասարդ, որոշեցի հարգանք մատուցել նրանց և հիմնական նպատակն այն է, որ կենդանության օրոք դա լինի: Բայց ցավոք սրտի արդեն մի քանի հոգի բացակայում են իմ նախագծում տեղ գտած արվեստագետներից` գեղանկարիչ Հակոբ Հակոբյանը, գեղանկարչուհի Ելենա Աբրահամյանը, գեղանկարիչ Վոլոդյա Սահակյանը, կոմպոզիտոր Էդուարդ Միրզոյանը»:
«Ակադեմիա» պատկերասրահում իրենց աշխատանքներն են ներկայացրել`
Կարդացեք նաև
- Հրանտ Կոմիտասյան, Աշոտ Գրիգորյան, Լևոն Խրիստաֆորյան, Զարուհի Ավետիսյան` «ՀՀ կենտրոնական բանկի երրորդ մասնաշենքի ինժեներական ցանցերի արդիականացման և ինտերիերի դիզայնի նախագծի մշակում և իրականացում»
- Արտակ Ղուլյան` «Վաչե և Թամար Մանուկյան» մատենադարանի շենքը Մայր Աթոռ Սուրբ Էջմիածնում
- Լևոն Աբրահամյան` «Պլաստիլինե նկարազարդումներ»
- Ռուբեն Արուտչյան` Դիմանկարներ «Մենք» նկարաշարից` «Գարեգին Նժդեհ», «Սայաթ Նովա», «Շահան Նաթալի»
- Հենրիխ Էլիբեկյան` «Երկխոսություն կյանքի տևողությամբ», դիմանկարների շարք
- Հակոբ Հակոբյան` «Սիրո պարտեզ», գեղանկարների շարք
- Միսակ Մաղաքյան` «Քարի Հոգին» ցուցահանդես-նախագիծ
- Արամայիս Մխիթարյան` «Հիսուսի երկրորդ գալուստը», գեղանկար
- Էդիկ Վարդանյան` «Թալին» նկարաշարից. «Երազ», «Իմ կորցրած աշունը», «Տերևաթափի օր», «Բարի լույս թալինցիներ», «Ցորեն են չորացնում», «Թալին»
- Ազատուհի (Տաթև) Մնացականյան` «Արվեստի հայ երախտավորների ի մասնավորի նկարիչ քանդակագործների ֆոտոպորտրետների շարք»
- Շահեն Խաչատրյան` «Ցավի գույնը` Եղեռնի անդրադարձը հայ նկարչության մեջ», «Հ. Այվազովսկի», հայ նկարիչներին նվիրված պատկերագրեր
- Սամվել Կարապետյան` «Անի-1050», ալբոմ-ուսումնասիրություն
Մեծահասակ արվեստագետների աշխատանքները կցուցադրվեն մինչև մարտի 15-ը:
Արմինե ՀԱՄԲԱՐՁՈՒՄՅԱՆ
