Այսօր Լոնդոնում կկայանա շախմատի հավակնորդների մրցաշարի բացման հանդիսավոր արարողությունը, իսկ վաղը ութ մասնակիցները կխաղան առաջին տուրում:
Մրցաշարի կանոնակարգով, եթե երկու կամ ավելի գրոսմայստերներ ամփոփիչ աղյուսակում ունենան հավասար միավոր, հաղթողը որոշվելու է հետեւյալ լրացուցիչ չափորոշիչներով:
Միմյանց միջեւ հանդիպումների արդյունքով:
Բոլոր պարտիաներում տարած հաղթանակների քանակով:
Զոննեբորն-Բերգերի գործակիցներով:
Եթե բոլոր ցուցանիշներն այստեղ էլ հավասար լինեն, կխաղացվի արագ շախմատի երկու պարտիա՝ 25 րոպե +10 վայրկյան յուրաքանչյուր քայլի համար ֆորմատով:
Մեկնարկային տուրում Լեւոն Արոնյանը սպիտակներով խաղում է Մագնուս Կարլսենի հետ:
Մրցաշարի հաղթողը շախմատի թագը կվիճարկի աշխարհի չեմպիոն Վիշվանաթան Անանդի հետ:
Աշոտ ՀԱԿՈԲՅԱՆ
