Ժելեզնավոդսկի դատարանը «բռնաբարության», «սպանության» և «գողության» հոդվածներով դատավճիռ է կայացրել Հայաստանի քաղաքացու նկատմամբ: Հայտնում է «Ստավրոպոլ» լրատվականը:
Ըստ հետաքննության, 2012թ. հուլիսի 2-ին Մուրադ Գայամյանը ալկոհոլի ազդեցության տակ իր ծանոթուհուն տարել է Ժելեզնավոդսկ քաղաքի լճի պահակային տնակ և բռնաբարել:
Այնուհետև Գայամյանը ապօրինաբար մուտք է գործել մոտակայքում գտնվող սրճարանը, սպանել է պահակին, գողացել մոտ 80 հազար ռուբլի ու փախել:
Կարդացեք նաև
Գայամյանը դատապարտվել է 12 տարվա ազատազրկման խստացված ռեժիմով քրեակատարողական հիմնարկում: Բացի այդ, նրանից կգանձվի մեկ միլիոն ռուբլի մահացածի տղայի բարոյական վնասը փոխհատուցելու համար:
Պատրաստեց Հովհաննես ԻՇԽԱՆՅԱՆԸ
